دستور ياخوانا يابعدا

الست دى انا مكنتش عارف اسمها ولسة عارفة النهاردة
هى شاعرة شعرها تحفة وكل كلامها ف الجون والله
هى اسمها ايمان البكرى
ودى قصيدة ليها دستور ياخوانا البعدا

وانا ناقل اللينك بتاعها من منتديات الكرامة

مليش دعوة هى اللى بتقول

الاستفتاء سليم كفاية كدب بقى

ايها الشعب المصرى
كفاياكم كدب وغش
قاعدين تقولوا الاستفتاء مزور ومش عارف اية بلا نيلة
مش مقدرين النعمة اللى انتم فيها
جاتكوا البلاوى
شوفوا الدليل اهة ان الاستفتاء سليم وعلى مياة بيضا

دة دليل النزاهة فى بلقاس دقهلية

ودة دليل النزاهة فى مدينة المنصورة

ودة دليل النزاهة شوفوا الناس المشرفين ع الصناديق ازاى بيساعدوا المواطنين ومبيتعبهمش وبيصوتوا بدل منهم

ودة فيديو زى اللى فوق بيبين مدى تسهيل الاجراءات الفيديو دة من وائل عباس

الاستفتاء فى عيون الاية ار تى

هههههههههه

النهاردة الصبح وانا بافتح التلفزيون عشان اشوف اية اخبارالوكسة اللى بقينا فيها

لقيتها عرضة فيلم البرىء

مش عارف بقى دى مقصدوة ولا اية بس حركة ف الجون

هههههههه

حتى انتى يا ايه ار تى تتطاولين على عرس "وكل واحد على حسب نطقة " الديمقراطية

هههههههههه

يافقعتى من دى بلد

انا خريت وطنية كفاية بقى والنبى

من اول اما قالوا هيرقعوا الدستور والاغانى الوطنية نلزلة ترف على دماغنا
لا واية اوعى وشك بقى من وطنية الحزب وطنية نيو لوك
طول النهار اغانى فقيعة مسمينها وطنية بيغنيها مطربين افقع وافقع اللى عملهم مطربين ظلمهم
لا وكلة كوم وننوس عين ماما اللى هربان من الجيش اللى بيغنى للبلد
ياسلام بقى كمان ع اللى كان قدام اللجنة الانتخابية اللى قدام بيتنا
دى جى وطبل وزمر وهىء ومىء وكان ناقص كمان رقاصة عشان يلموا الناس
وكل شوية الراجل بتاع الدى جى مشغل اغنية والله وعملوها الرجالة

هما مش اللى بيعملوها دول برضة العيال الصغننة مش الرجالة الكبيرة

لا دة حتى ف الجامعة عندنا حنفية الوطنية جلدتها كانت مفوتة ع الاخر
اتحاد الطلبة اللى كلنا عارفين جاى ازاى معلق يفط بيحث الطولاب على المشاركة الثياثية
اراهن بكل اللى ف جيبى ان كان حد من بتوع اتحاد القلل اللى ف الجامعة عندنا فاهم يعنى اية اصلا دستور ولا اية هى المواد اللى عدلوها

هنعمل اية بس

يافقعتى

مصر -موريتانيا 3/0

اهم اهم اهم المصريين اهم
مصر كسبت موريتانيا 3/0 وبقت ف راس المحموعة
مصر ؟ موريتانيا ؟ مجموعة ؟ مجموعة مين ياعم انت
اممممم
اية ياعم تصفيات كاس الامم انت مش عايش ف الدونيا
طب اية القول بقى ان موريتانيا اللى كسبت مصر

اه موريتانيا اللى كسبت مصر
كسبتها ف الحرية والنزاهة مش ف الكورة والخيابة
يالهوى انا لية بس سؤال هى موريتانيا لية مشلوهاش من جامعة القلل العربية مش هى برضة خالفت الشروط
مش هى اول بلد يبقى ديمقراطى ف جامعة الدول وبكدة خالفت شروط الجامعة
يعنى لستة مرشحين وبرامج انتخابية لناس فاهمة الليلة ومناظرة تلفزيونية بين المرشحين ناقص اية تانى ؟مكنش ناقص غير انهم يفرزوا الاصوات ع الهوا بث مباشر عشان اللى مبيعرفش يعرف الديمقراطية ماشية ازاى
ربنا يصبحك بالخير يادكتور ايمن الله يرحم ايام اما طالبت بمناظرة ع الهوا مع اللى باللى بالكم وتحدى ان المناظرة دى هتكون فيصل ف الانتخابات بس اللى بالى بالكم طلع مبيعرفعش على راى سعد الصغير وقال لا لا لأ سعيدة دى البدلة جديدة
وبعد دة كلة برضة بيقولوا مصر اللى غلبت موريتانيا
يافقعتى

بسم الله

بسم الله نبتدى

ربنا يستر بس ومنتمسكش بتهمة اهانة الذات الملكية