صور دعوات فرح اشهر عازب ف مصر

كان بقالى كتير مش بستعمل كمبيوتر ولا انترنت لان الامتحانات شاغلة امة لا الله الا الله

بس اول اما لقيت دعوات الفرح دى شكلها عجبنى اوى

قلت انزلها عندى يمكن فى ناس مكنتش شافتها

اهداء الى عريس الغافلة

بطلوا دة

واسمعوا دة



بكرة لسة نشوف وياما



الغراب ياوقعة سودا جوزوة احلى يمامة



بطلوا دة واسمعوا دة



اغنية على ماقسم كدة اهداء لعريس الغافلة اللى الكل عارفينة بمناسبة دخلتة

يكش بس يعرف يدخل وميكسفناش ليلتها

هو بالنسبة للعروسة اللى ف بالى فانا واثق انة مش هيعرف يدخل وهتبقى كسفتة بجلاجل انما العروسة التانية اهو ممكن ها ربنا ينفخ ف صورتة

ولا اراكم الله مكروها ف عريس لديكم

ذكرى تحرير سيناء الله يرحمك ياسادات

فى ذكرى تحرير الارض

بقول لبطل الحرب

الله يرحمك ويحسن اليك

كان زمانا دلوقتى زى اللى مسروق هضبتهم ولا هما بيطالبوا بيها ولا حس ولا خبر

الله يرحمك ياسادات مش هقول غير كدة

هو احنا امتى هنبقى زى برشلونة ؟

سؤال حيرنى كتير اوى بعد ماتش امبارح

احنا امتى نبقى زى برشلونة

امتى كدة يدفعلنا 4.5 مليون يورو من فرقة نفسها تلعب معانا

امتى يبقى عندنا فرقة لعبت ماتش وتانى يوم الصبح كانوا ف بلد تانى واتفسحوا وتانى يوم لعبوا ماتش وكسبوا مستريحين واخر حلاوة ولا تعب ولا حاجة

امتى يبقى عندنا لاعيب زى ميسى ولا زى رونالدينهو

بجد سؤال مشروع نفسى حد يجاوبنى علية

امتى هيبقى عندنا استاد زى الكامب نو بتاع برشلونة ولا زى الاولد ترافولد بتاع مانشستر يونايتد ؟بدل استاد القاهرة اللى يكسف دة

امتى امتى

طب امتى بقى نكسب فرقة زى برشلونة ؟

امتى يبقى عندنا لاعيبة رجالة بتعرف تلعب زى الرجالة؟ مش زى اللا مؤاخذة

امتى امتى امتى امتى ؟ نفسى حد يقولى امتى

بالله عليكم اللى يعرف يقولى امتى لان انا خلاص مفقوع من ساعة ماتش امبارح

حتى السرقة وصلت الجوامع!

حسبى الله ونعم الوكيل

هواية اللى حصل للناس

حتى السرقة بقيت ف بيوت ربنا

وانا بزور المدرس بتاعى اللى كنت باخد عندة درس وانا ف ثانوى العصر اذن والراجل قالى يالا نصلى ف الجامع قلتلة ومالة

المهم رحنا الجامع هو دخل يتوضا وانا دخلت الصلاة علطول عشان كنت متوضى جاهز

الجامع مساحتة صغيرة اللى بيصلوا كلهم لا يتجاوزوا ال20 كان صف اول والصف التانى فية بتاع 3او4 انا منهم وصف الاطفال الصغيرة ف الاخر

دخلت الصلا ف اخر الركعة الاولى وخلصت بعد اما الناس خلصت وبعدين قمت عشان اخرج وادور ع اللامؤاخذة الشبشب بتاعى ملقتوش!!!

الله انا كنت حاطة هنا

طب يمكن حد اتلخبط فية ولبسة مكان شبشبة ؟ بس مفيش ولا شبشب من اللى موجودين ف الجامع شبهة

يخرب بيت كدة طب هروح ازاى دى المسافة من الجامع لحد بيتنا مشوار جامد!

شوية ولقيت راجل كبير واقف ومحتار نفس حيرتى وبيبص ع الجزامات

اية دة مش انا لوحدى يعنى !كدة مش واحد بقى اللى بيسرق دى عصابة !

وانا ف حيرتى دى وعمال اضرب اخماس ف اسداس الراجل شيخ الجامع لقيتة بيقولنا انا والراجل اللى اتنشل زى بصوا كدة فى شباشب جوة ف الحمام !

الراجل بص لقا شبشبة وانا كمان قلت اشوف كدة لقيت شبشبى انا كمان

يعنى البعيد اللى خدة عشان يخش بية الحمام مش شايف الشباشب بتاعة الحمام جوة موجودة ؟دانا قلت كدة بينى وبين نفسى بس يظهر الشيخ قرا افكارى راح باصصلى وقالى

يابنى اما تبقى تيجى تصلى بعد كدة ابقى شوفلك شبشب قديم شوية عشان دة العين هتبقى علية

واستكمل قائلا

تلاقى اللى كان عاوز يسرقة دخلة الحمام بحيث يعمل انة داخل يعمل حمام ويعبية وهو خارج بس حس ان حد واخد باله او ملحقش عشان كدة الشبشب تانة مكانة لان الحكاية دى كانت بتحصل كتير

اه ياولاد ال.......... دة اللى كنت بقول كدة بعد اما خرجت من الصلاة

ولغاية دلوقتى عمال اقول اه ياولاد ال.....................ياللى مبتراعوش حرمة بيوت الله

هو احنا هنلاقيها من الحرامية الكبار ولا هنلاقيها من حرامية الشباشب ف الجوامع

اه يانا يامفقوع !

دستور ياخوانا يابعدا

الست دى انا مكنتش عارف اسمها ولسة عارفة النهاردة
هى شاعرة شعرها تحفة وكل كلامها ف الجون والله
هى اسمها ايمان البكرى
ودى قصيدة ليها دستور ياخوانا البعدا

وانا ناقل اللينك بتاعها من منتديات الكرامة

مليش دعوة هى اللى بتقول